NAGPADALA og lig-ong 466-person contingent ang Pilipinas alang sa 35 ka sporting events sa 2015 Southeast Asian Games sa Singapore apan igo lang naparihasan niini ang 29 gold medals nga naangkon sa nasod sa miaging edisyon sa torneyo nga gipahigayon sa Myanmar.

Sa Myanmar competition, kapin ra sa 200 ka mga tawo ang delegasyon sa Pilipinas apan nakahakot gihapon kini og 29 ka gold medals.

Giangkon ni Philippine Chef de mission Julian Camacho nga adunay ubang mga atleta nga ilang gituohang maka-gold medal ang wala nakabuhaton sa ingon.

“May mga inaasahan tayong hindi nakapag-deliver,” pasabot ni Camacho sa interbyu sa Aksyon.TV.

Si Pampanga 1st district representative Yeng Guiao nagkanayon nga kinahanglang susihon ang performance sa nasod sa matag duha ka mga tuig nga kompetisyon.

“Kailangan nating malaman kung magkano ang ginastos na pondo sa mga athletes na nag-campaign, justifiable ba based on their performance,” asoy ni Guiao.

“They need to break it down kung ilang atleta pinadala then ilan yung nag-deliver.”