NAGPASABOT ang Kapuso sexy star nga si Kim Domingo kon giunsa niya naabot ang iyang seksi body figure sa mga hulagway alang sa January 2017 issue sa FHM Philippines.

Sa Chika Minute report ni Nelson Canlas sa GMA News “24 Oras” niadtong Huwebes, gipakita ang fearless ug daring nga mga hulagway ni Kim nga cover ug feature sa maong men's magazine.

Matud ni Kim nga gipaghandaan niya og maayo iyang “New Year pasabog” alang sa mga fans.

Taliwala daghan ang giganahan sa cover apan pipila sab nagduda sa iyang lawas tungod sa giingong sobra ra nga gi-Photoshop.

“Ang laki raw ng pinayat ko, so iniisip ng ibang tao parang edited ganyan-ganyan. So mas lalong umingay kasi ang daming nag-comment ng negative. But hindi nila alam that time nag-diet talaga ako,” pasabot ni Kim.

Mapasalamaton si Kim nga maayo ang pasok sa bag-ong tuig kaniya ug dili pa matapos ang 2016 daw puno na ang iyang schedule.

Gawas sa regular stint sa “Bubble Gang,” mga TV guesting ug 2017 calendar, ipagawas sab iyang pelikula nga siya ang leading lady. (SVB)