GISI ang ulo sa usa ka lalaki human kini gihapak og botelyo sa kainom niadtong milabay nga gabii sa Kauswagan, dakbayan sa Cagayan de Oro.

Ang biktima nga nagpatala naila nga si Allan Cuizon, 41, minyo, ug residente sa nahisgutang dapit samtang ang suspek nailang si Kim Sumbreo kinsa kainom ni Cuizon.

Sa impormasiyon nga nahipos gikan sa Police Station 4 (PS4) sa Carmen, gibutyag ni Cuizon nga samtang nag inom kini sila ug sa dihang nalango na sa ilimnong makahubog kalit lang matud pa kining gihapak sa ulo sa basiyo sa botelya sa walay igo nga hinungdan.

Nakaangkon og samad sa ulo ang biktima hinungdan nga naligo kini sa kaugalingong dugo ug gidala sa tambalanan. Dali usab nga misibat si Sumbreo human sa panghitabo.

Sa pagsulat niini nga balita, ang insidente ang nakatala na sa nahisgutang buhatan sa kapolisan.