(Pasiuna: Kini ang atong apas sumpay sa sulat suliran nga gipadangat kanato ni JL mahitungod sa iyang problema sa pagpanit panit sa iyang kinatawo.)

DEAR JL,

Ania na usab kita sa lain pang bahin sa atong pag-atubang sa imong sitwasyon. Sa niagi, ato nga gihisgutan ang mga hinungdan niining gauga nga orgasm. Ug karon, ato nga tuki on ang lain pa nga mga rason niining paggula sa dry orgasm sa mga kalalakin-an.

Kining dry orgasm mamahimo usab nga mahitabo human sa operasyon, susama sa pagtangtang sa prostata, kun radical prostatectomy, o pagtangtang sa pantog, kun cystectomy, ug mga proseso aron motambal sa Benign Prostatic Hyperplasia, kun nidako nga prostata.

Sa maong mga kaso, ang mga lalaki mamahimo nga mo ugmad sa ginatawag og retrograde ejaculation, kung diin imbes nga mogula sa gawas sa kinatawo ang semilya, mobalik na hinuon kini sulod sa lawas ngadto sa pantog.

Ang semilya mosagol na sa ihi ug mobiya sa lawas sa panahon nga mangihi na ang usa ka lalaki.

Ang lain pa nga mga isyu nga mao ang rason niining maong sitwasyona nilakip sa mosunod:

- Tambal gamit ang radiation.

- Pagkadaot sa mga kaugatan tungod sa diabetes ug multiple sclerosis.

- Mga tambal, susama sa tambal alang sa pangisip ug alang sa alta presyon o nidako nga prostata.

- Pagkadaot sa spinal cord.

- Barado nga agi anan sa semilya.

- Hypogonadism, kun kubos nga nibel sa testosterone.

Kining dry orgasm usab makit-an sa mga lalaki nga niagi og stroke nga nag-antus na lamang sa ilang mga higda anan. Ang maong mga lalaki, maskin pa man og naghigda na lamang, anaa pa gihapon kini silay huna-huna sa sex. Wala baya nagpasabot nga kung na stroke na, wala nay gana sa kama. Ug sa paghuna-huna nila mahitungod niini, nilakipan sa mga mainiton nga panan-aw ug uban sa ilang minahal sa ilang kilid ug pagsariling sikap maskin gamit lamang ang gahom sa huna-huna, mamahimo gihapon nga makakab-ot sila sa ginatawag og brain orgasm.

Sa maong sitwasyon, makakab-ot sila sa ilang gusto nga maabot maskin pa man ug dili kini magawasan og semilya.

Apan, tungod kay taas-taas pa man gihapon ang atong pagahisgutan mahitungod niining imong sitwasyon, tugoti na usab ako nga ato kini nga padayunon pagtuki sa mga sunod nga edisyon niining atong patik. Hangtud na usab sa sunod!

Dr. Fritz

(Si Dr. Fritz Legarde Espedilla usa ka aesthetic dermatologist/surgeon ug clinical sexologist. Aduna usab siyay kahibalo ug training sa hypnotherapy ug sa Medical Acupuncture. Usa usab siya ka personalidad sa radyo nga sobra na sa dekada nga nagadagan sa kahanginan ug autor sa iyang libro nga “Healthy is Sexy Secrets ni Dr. Fritz”. Nagatudlo usab siya sa usa ka kolehiyo sa Pharmacy. Alang sa inyong mga sulat-suliran, mamahimo kini ninyong ipadala sa Dear Dr. Fritz, c/o Sunstar-Davao Publishing Inc., Ebro-Pelayo Building, Jacinto St., Davao City, (former Department of Foreign Affairs office), across Ateneo de Davao University and beside Holy Child School of Davao, o i-e-mail kini sa dokfritz@yahoo.com. Ang dili magpamantala dili matubag!)