WALA gikalipay ni Atty. Edna Dahino, konsehal sa dakbayan sa Cagayan de Oro, ang nagkatag nga mga basura sa nagkalain-laing barangay sa siyudad.

Matud niini, niadtong Lunes, Oktubre 9, atol sa iyang special reports sa sesyon sa konseho nga wala siya nahimuot sa pagtan-aw sa wala naplastar ug nagkatag nga mga basura.

Tungod niini, iyang giawhag ang tanan nga mga opisyal sa barangay lakip mga residente nga maglimpyo sa ilang mga tugkaran aron hapsay ug limpyo kini.

"Please ato ning siyudad...maghangyo ta sa atong barangay official sila ang frontliners sa ilang barangay," tipik sa pahayag ni Dahin.

Pananglitan niini nga daw susama ra kini sa sulod sa puloy-anan nga kung walay limpyo ang puloy-anan dali ra kaayo saputon ug maglabad ang ulo sa usa ka tao apan kung limpyo maayo ang mood sa usa ka tao.

Lakip sa buot ipatawag niini sa konseho kining tigkolekta sa basura aron masuta kung unsay estado sa kontrata nganong adunay mga barangay nga dili gakolektahon ang basura. (SVB)