PATAY ang usa ka 11-anyos nga batang babaye human giingon nga aksidenteng natuok sa panapton nga gigamit nga duyan sa iyang igsuon sa usa ka barangay sa Dumanjug.
Ang insidente nahitabo niadtong Biyernes sa hapon apan bag-o lang kini nataho sa pamilya sa babaye ngadto sa kapulisan sa Dumanjug.
Nasayran sa pakisusi sa kapulisan, wala’y rason nga maghikog ang bata kinsa usa ka tinun-an sa grade 5.
Ang inahan sa bata namahayag nga wala siya sa ilaha dihang nahitabo ang maong insidente.
Didto siya sa lungsod aron magkuha sa kwarta nga gipadala sa iyang bana.
Dugang niini nga ang bata magbinuang kini nga magpatuoktuok sa lihog gamit ang duyan apan natinuod na hinuon kini.
Ang kapulisan mohimo pa og dugang pakisusi sa dapit nga nahitaboan aron pagtino sa alegasyon.