SA wala’y pagduhaduha, gibutyag ni legendary trainer Freddie Roach nga wala gihapon milubad ang abilidad ni Puerto Rican Miguel Cotto bisan sa pangidaron niini nga 36 anyos.
Si Cotto, kinsa maoy bugtong four-time world champion sa Puerto Rico, nakatakdang makig-away kang James Kirkland karong Pebrero 25.
“I’m glad to see Miguel back in the gym, we’ve been waiting for this moment for a long time. I feel he’s still a very good fighter, and together we work really well,” matod ni Roach sa interbyu sa boxingscene.com.
“I haven’t worked mitts with him for 13 months but the bodyshots are still unbelievable.”
Gumikan sa ka kusog sa kumo ni Cotto sa training, nagkanayon si Roach nga nakaihi siya og dugo sa pag-uli niya sa iyang panimalay.