PADAYON ang Southern Mindanao Agriculture Aquatic and Natural Resources Research and Development Consortium (Smaarrdec) sa ilang research and development projects sa Panama disease-resistant varieties sa mga saging.

Ang Smaarrdec mao ang consortium sa 25 ka nagkadaiyang ahensiya sa kagamhanan, local government units, ug state universities and colleges sa pagpatuman sa inisyatibong research and development.

Nalakip sa maong consortium mao ang University of Southeastern Philippines ug ang Department of Science and Technology-Davao Region.

Sumala ni Dr. Lourdes Generalao, chair sa Smaarrdec Regional Research and Development Coordinating Council, nga ang consortium nagatabang sa pagdumala sa problema sa Fusarium Wilt o Panama disease infestation pinaagi sa pagpalambo og duha ka matang sama sa GCTCB 218 ug GCTCB 219, nga gituohang disease-resistant.

Duna nay mga nananum og saging sa rehiyon nga nagsugod na sa paggamit sa "varieties" sa paglaum nga makubsan, kon di man malikayan ang peste.

"We continue to test if these are indeed the varieties we need. Research is a very long process, that's why it is also very expensive. We should not stop in identifying these varieties," tin-aw ni Pilipino Banana Growers and Exporters Association president Stephen Antig. (Jenie P. Arado)