GISUTA karon sa Philippine Drug Enforcement Agency (PDEA)-Northern Mindanao kining mga report nga daw adunay gagamit og party drugs sa pipila ka bar sa dakbayan sa Cagayan de Oro.

Giingong ang party drugs protektado sa mga dagkong tawo.

Apan matud ni PDEA agent Ben Calibre nga nakadungog na sila kalabot niini nga report apan walay beripikasyon.

Daw kung tinuod man kini unta undangon na ang kalihokan gumikan daghan ang maapektuhan.

Sa pagkasikop usab sa usa ka batan-on nga nagdala niini, daw dako ang posibilidad nakasulod na kini sa dakbayan apan kini lamang nga druga ang dili diretso mapalit sa mga yano lamang nga tao apan niadto gayud mga adunahan.

Gibutyag ni Calibre nga dinhi sa rehiyon mas in demand ang shabu ug ika-duha dayon ang marijuana ug kining party drugs ang anaa sa ika-tulo.

Malaumon si Calibre nga taliwala ilang ahensya na lamang gitahasan nga mangdakop sa mga nalambigit niini ang kapolisan daw unta padayon sa paghatag og inpormasyon kanila. (SVB)