GIINGONG adunay balatian ug usa ka special child ang napalgan nga patay nga lawas niadtong milabay nga adlaw sa Ipil Street, Carmen, dakbayan sa Cagayan de Oro.

Ang biktima nailang si Mark Leo (bansagon gitago), 16, nga taga Oro Cena, Carinugan, Balulang ning dakbayan.

Sa report gikan sa Police Station 4, nasayran nga gikompirma sa amahan nga si Leo nga ang napalgang patay nga lawas iya kining anak kinsa dunay gihambin nga sakit sa baga nga posible nga maoy hinungdan sa hinanali niini nga kamatayon samtang anaa sa dapit.

Human sa insidente, ang patay nga lawas ang daling gidala sa A & B funeral parlor nga nahimutang sa Bulua ning dakbayan. (KCS)