SI PRESIDENTE Rodrigo Duterte, pinaagi sa Department of Budget and Management (DBM), mohatag og P600 milyon ngadto sa Philippine Navy alang sa pagpalit og bag-ong mga speed boats isip kabahin sa "intensified surveillance" ug "patrol actions" subay sa southern sea borders sa nasud.

Si Philippine Navy Chief Vice Admiral Ronald Joseph Mercado, atol sa inagurasyon sa bag-ong giayo nga Camp Panacan Station Hospital niadtong Miyerkules, Hulyo 19, mopalit sila og 20 hangtud 30 speedboats aron nga magamit sa mga marines ug naval special operations group.

Bisan tuod kon wa pay saktong petsa kon kanus-a ang mga speedboats andam nang magamit, gisulti ni Mercado nga gilauman nga mapagawas kini bisan unsang panahona sa Agosto.

Niadtong Hulyo 4 hangtud 12, nagkombuya ang puwersa sa Pilipinas ug Indonesian nga milusad og walo ka adlaw nga pagpatrolya sa komon nga utlanan sa Davao Gulf ug sa Celebes Sea.

Bisan kon ang bilateral sea border monitoring human na, gisulti ni Mercado nga nag Philippine Navy padayon nga nagpalambo sa maritime surveilance sa nasud kay dunay mas lapad nga "scope of maritime area" sa southern sea border.

Hinuon si Mercado miingon nga di siya makapasalig og "zero terrorism threats" tungod sa muti-lateral monitoring, sumala niya nga kini maka-contribute aron nga mapalambo ang maritime surveillance, aron nga maghatag og kalisud alang sa hulga magamit ang southern sea isip rota padulong sa nasud. (BSC)