ANG mga Pinoy woodpushers target nga mas modomina sa boards sa 19th edition sa Association of Southeast Asian Nation (Asean) Age Group+ Chess Championship nga himuon sa Davao City karong Hunyo 17 hangtud 27.

Human sa kuyaw nga nasungkit nga 83 bulawan, 37 plata ug 29 bronze medal performance niadtong milabay nga tuig sa Pahang, Malaysia, si National Chess Federation of the Philippines President Cong. Prospero Pichay kumpiyansa nga mas malabwan pa kini sa mga Pinoy.

"In the last Asean held in Malaysia, we became over-all Champions. I believe we can defend our title. Yes, I think we can even when we expect to have more participants this year," sulti ni Pichay sa press conference didto sa Philippine Sports Commission niadtong milabay adlaw.

Anaa sa 500 chess players gikan sa nagkadaiyang 10 nasud ang gilauman magtigi sa torneyo sa 14 age groups under the junior division ug duha ka age groups sa senior division.

Si AAG Director ug Davao Coordinator James Infiento nagpasabot nga gawas sa medalya, kadaugan sa kompetisyon mohatag sab og outright World Chess Federation’s FIDE Master ug International Master chess titles.

Samtang, si Philippine Sports Commission Commissioner Charles Maxey mipaambit sab og positibo sa maong umaabot kampeyonato, "this only goes to show that despite the area being under Martial Law, peace reigns in Mindanao and that we use sports to promote peace."

Ang qualifying legs himuon sa Luzon, Visayas ug Mindanao aron modetermina sa opisyal chess players nga mopresenta sa nasud sa maong torneyo.

Uwahi nag-host ang Pilipinas sa kompetisyon niadtong 2010 nga gihimo sa Subic. (PR)