ANG Prosecution and Monitoring Bureau (PMB) ubos sa Office of the Ombudsman in Mindanao naggunit og 808 ka kaso alang sa prosekusyon ning tuiga.

Ang datus nga nakuha gikan sa buhatan sa Ombudsman nagkanayon nga sa 808 ka kaso, 762 mga nakaung-ong niadto pang 2016, samtang 46 natala sukad Oktubre 31 ning tuiga.

Sa 46 ka kaso alang sa prosecution karong tuiga, walo niini gibuhi o gitawag og reinstated archived cases samtang 38 ka impormasyon giduso sa Ombudsman ug gitaral sa PMB atol sa tuig.

Mipasaka ang Ombudsman og kinatibuk-ang 959 ka impormasyon, nagagikan sa ilang 82 nga nakadoket nga kaso. Sa 959 ka impormasyon, 921 gi-refer ngadto sa Department of Justice (DOJ) alang sa prosekusyon.

Gikan sa Enero hangtud Oktubre 2017, 28 ka kasong kriminal sa Ombudsman ang gidesisyonan, 10 niini resulta sa pagkakonbikto sa akusado.

Ang PMB duna na karoy 751 ka kaso nga nahabilin alang sa pagtaral.