ARON masiguro ang seguridad sa publiko sa Sinulog subay na usab sa hulga sa terorismo, suportado sa Smart Communications Inc. ang plano sa kapulisan ug kagamhanan sa dakbayan sa Sugbo nga magbutang og signal jammers ingon man kon kinahanglanon, suspensuhon ang ilang serbisyo.
Sa statement ni Mon Isberto, pangu sa Smart Public Affairs, siya nagkanayon nga tumanon nila ang gusto sa awtoridad aron masiguro ang seguridad sa publiko.
Kon kinahanglan nga suspensuhon ang ilang wireless sevice dinhi sa dakbayan sa Sugbo, ila kining buhaton.
Kini nagpasabot nga kon momando ang kagamhanan, wala’y signal ang mga cellphone karong Sabado sa hapon ug Dominggo sa mga dapit diin ipahigayon ang dagkong mga kalihukan sa Sinulog- Solemn Procession ug Sinulog Grand Parade.