GIPAHAYAG sa Sports Development Division of the City Mayor's Office (SDD-CMO) nga ang Summer Sports Festival for Peace 2015 program malampuson ug nakatabang kini sa siyudad sa turismo.

Kini ang sulti ni SDD-CMO project manager Cholo Elegino sa Davao Sportswriters Association (DSA) Forum didto sa NCCC Mall of Davao Food Cove Function Hall niadtong Huwebes.

"There were quite a lot of tourists who came over not really to compete but at the same time to visit the city. There were instances wherein some competitors of the events also brought their families for vacation," ni Elegino.

Sumala ni Elegino ang nakadani og maayo turista mao ang Davao City Summer Fest 2015-Mindanao Open Invitational Beach Volleyball didto sa Liza's and Marithes Seafoods Grill Restaurant at Times Beach, Matina.

Matud pa niya, ang turista naggikan sa Manila nga miduwa sa Davao City Summer Sports Festival for Peace Dragonboat competition didto sa Waterfront Insular Beach Resort sa Lanang.

"Even judges and instructors came from Metro Manila to also be part of oursummer fest," batbat pa ni Elegino.

Dugang niya nga plano karon sa SDD-CMO nga mas palapdan pa ang kalihukan sunod tuig. (Marizz S. Robilla)