HINGPIT na nga sirhan sa Kagamhanan sa dakbayan sa Sugbo ang 12 ka mga bodega lakip na ang tindahan sa Vic Enterprises karong adlawa.

Kagahapon, gitunolan na sa Kagamhanan sa Dakbayan sa Sugbo ang closure order ang Vic Enterprises.

Bisan kon aduna’y business permit ang Vic Enterprises, apan nakita nga aduna siyay kalapasan sa regulatory requirements hinungdan nga bawian kini og permit.

Subay na usab sa mga reklamo sa pribado nga indibidwal nga nakompirmar usab sa Cebu City Transportation Office (CCTO) ug Cebu City Environmental and Natural Resources Office (CCENRO).

Nakita nga nakalapas ang ilang establisemento sa Barangay Mabolo sa nagkadaiyang traffic regulations lakip na usab ang environmental regulations.

“Foregoing premises considered and in the interest of public safety and welfare, your business establishments are hereby ordered closed,” tipik sa closure order.

Gihatagan ra usab sila og 24 oras nga motuman sa maong closure order sukad sa pagtunol niini sa maong tindahan kagahapon.

“Many of their warehouses up to now does not have business permits. So the intent to defraud the government is very clear,” matod ni Cebu City Mayor Tomas Osmeña.

Nagdumili una pagahatag sa ilang pamahayag ang Vic Enterprises dihang gitawagan kini sa SunStar Cebu.