GIPASALIG sa Philippine National Police (PNP) sa Davao nga ilang himoun ang tanan mapanalipdan lamang ang mga tinun-an sa tanang tunghaan sa rehiyon.

Si PNP-Northern Mindanao Director Lyndel Desquitado miingon nga kutob sa ilang mahimo, ilang proteksyunan ang katungod sa mga tinun-an.

Malipayon nga gipahibalo ni Desquitado nga malinawon ang pagsugod sa klase sa pampublikong tunghaan niadtong Lunes, Hunyo 1, ug walay dagkong krimen nga natigayon.

Apan giklaro ni Desquitado nga dili lang ning unang adlaw sa klase sila makabantay sa mga tunghaan apan magpadayon ang ilang paghatag og seguridad sa mga tinun-an.

Gibutyag niini nga aware sila nga ang mga tinun-an sagad target sa dautan nga mga elemento sama sa mga pagpangout ug pagpangpangawat.

Target usab ang mga tinun-an sa mga tigpayuhot sa mga ginadili nga druga nga gamiton sa pagpayuhot aron makapamaligya sulod sa tunghaan ug kini usa sa ilang gatutokan.

Gipasalig ni Desquitado nga magpadayon ilang pagbantay sa mga tunghaan aron walay makasabotahe niini.

Giawhag lamang niini ang partisipasyon sa mga tunghaan ug motaho kanila labina adunay police assistance desk nga gpahimutang matag gawas sa tunghaan.