DEAR Tita Heart,

Maayong adlaw kanimo Tita ug ilabina sa tigsubaybay sa imong mga tambag sama nako.

Tita kining akong problema nagsugod dihang nag-uyab uyab ko nag-edad pako og 14 anyos. Baynte anyos nako karon tita pero ako kabantayan walay gaseryoso nako. Dili man gud pod ko hard to get, kaisa manguyab nako pagkaugma sugot dayon ko.

Pero tita so far wala pajud naka-score sa akoa kay wais ko pag-abot ana nga butang. Naay mohanggat nga uyab ingon ana bulag diretso. Akong pangutana lang tita unsa diay ilang apas sa akoa nga pag bulagan nako dili na jud makigbalik? Possible kaha nga sex lang ila giapas? Salamat tita ug maghulat kos imong tubag.

rJanine

*****

Hello Janine

Daghan rason nganong adunay dili moseryoso nimo.

Una, kay paghuna sa uban lalaki play girl ka kay gapanguyab ka pirme. Kadto pod imong nauyab alangan mosulti to sila nga wala sila naka-score nimo? Diba kaulawon pod sa ilang side? Hehe.

Saludo pod ko sa imoha nga taman ra ka sa uyab-uyab pero pag-abot anang butanga nagpabilin kang lig-on. Hinaot imo nang mapadayon hangtod sa imong pagkaminyo.

Ayaw pag-ingon nga walay moseryoso kay naa gayud moseryoso nimo ug I’m sure imo pod i-love. Kana pod imong gibati karon dili pa gayud na ingon ana kaseryoso. Hulat-hulat lang.

rTita Heart

r