“I’M definitely running for mayor.”
Mao kini ang pamahayag ni Cebu City Mayor Tomas Osmeña kagahapon sa mga sakop sa media sa City Hall.
Ang maong pamahayag ni Mayor Osmeña nasanta sa hugonhugon nga ang iyang asawa nga si Konsehal Margarita “Margot” Osmeña mao ang modagan sa pagka mayor sa eleksiyon sa 2019.
Matod ni Osmeña nga siya mao ang modagan apan, dason niya, dili si kanhi mayor Michael Rama ug Vice Mayor Edgardo Labella ang iyang kontra, kon dili ang SM.
Dugang sa mayor nga hunongon na ang mga spekulasyon kabahin niini sa iyang pagpasubli sa pagpapili.
Wala na gibutyag sa mayor kon kinsa ang mamahimong running mate niini apan kini miasoy nga maghimo sila og survey.
Kahinumdoman, nakontra ni Osmeña sa SM labi na ang sanga niini sa South Road Properties (SRP) nga natukod panahon ni kanhi Mayor Michael Rama.