NAKAANGKON og gamayng bintaha ang mga promising Filipino professional fighters karon ilabi na sa dekalidad ug title fights human ang Oriental Pacific Boxing Federation Office anaa na sa Manila.

Kini human ang Games and Amusement Board (GAB) chairman nga si Ramon Guanzon ang gitudlo nga presidente sa OPBF atol sa nga gipahigayon sa Bacolod City.

Iyang hulipan sa puwesto si Yewkow Hayashi sa Japan.

“We anticipate more fights in the Philippines for deserving Filipino boxers,” ingon ni Guanzon.

Gituohan ni Guanzon nga daghan na unyang mga promoters ang makig-negusasyon kaniya og mga title fights tungod kay mas sayon na man unya ang komunikasyon niini kon itandi sa email lang.

“We could help Filipino boxers, but we are also open to other non-Filipino deserving boxers.”

Subay niini, giinsister niini nga sila si Charly Suarez ug Mark Anthony Barriga gikonsiderar na karon nga mga professional fighters sukad sila miapil sa Aiba Pro Boxing Tournament.

Niini, ang duha nagkinahanglan na nga molukat og lisensiya gikan sa GAB – butang nga hangtod karon wa pa nila buhata.

“If something happens to them, there is nothing we could do because they are professionals as far as we are concerned,” padayag ni Guanzon.