LAING sunodsunod nga derby ang ipahigayon sa Gallera de Mandaue sa Barangay Paknaan, siyudad sa Mandaue sugod ugmang adlawa nga paga-ablihan sa 2-cock derby.
Ubos sa Manok ni Ryan Promotions, mokabat ngadto sa P150,000 ang premyo ug may pot money nga P2,500.
Si Abio Monsanto sa GDM mibutyag nga sugdan kini sa alas 5 sa hapon, nga tukma usab sa pagkahuman sa hack fight.
Sa Sabado, ang Junjun Tabares Promotions mao na usab ang mopahigayon og 4-cock derby nga may premyo’ng P300,000. Moabot ngadto sa 100 kapin ka sultada ang pagasaksihan.
Sa Dominggo, laing 4-cock derby usab ang nakahan-ay ug ning higayuna ang Central Cebu Cockers Cup na usab ang mopasundayag. PR