MIKARANSA ang usa ka bayot nga negusyante human gipaninglan siya sa extra service sa iyang masahista nga wa siya matagbaw.

Alas 2 Sabado sa kaadlawon, gipangdala sa mobile patrol ngadto sa Talomo Police Station ang bayot nga si alyas Bernard, 38, nagpuyo sa Barangay Matina Aplaya, ug ang masahista nga si alyas Jeffrey, 23.

Subay sa impormasyon gikan sa blotter sa Talomo PNP nga P300 ang kantidad sa ilang sabot nga masahe, ug dihang pagkahuman sa masahe, mihangyo ang masahista og extra service diin lingawon ang kinatawo sa negusyante sa kantidad nga P700.

Dihang nahuman na ang paghapyod-hapyod sa kinatawo sa negusyante, mitunol kini og P1,000 apan mikaransa kay giingong wala siya matagbaw sa extra service ug di na lamang siya mobayad.

Mipalag ang masahista, hinungdan nga mipalaban kini sa ilang front desk sa usa ka masahian sa dalang McArthur Highway, Matina ug dayon miabot ang mobile patrol sa pulis.

Pag-abot sa Talomo PNP walay nahimo ang negusyante kon di mihatag na lang og P700, kay kung di niya kini ihatag, ipaslak siya sa prisohan.

Hinuon, nahusay ang duha atubangan sa duty desk officer sa Talomo PNP.