SA TAGAL ng pagkaka-delay ng pagkakaroon ng bagong Police Regional Office (PRO)-Central Luzon director natuloy din kahapon.

At si Chief Superintendent Joel “Jigs” Coronel ang bagong talagang PRO-Central Luzon director.

Walang naganap na turnover ceremony kahapon sa halip “assumption of office” lamang.

Pagkatapos ng kanyang “assumption,” nagsagawa kaagad ng command conference na ginanap sa PANA hall sa loob ng Camp Olivas.

Siyempre lahat ng mga provincial at city police director sa Central Luzon ay dumalo sa nasabing Command Conference.

Nag-briefing ang lahat ng mga provincial at city police director sa kanilang “situation of their responsibility” sa bagong director ng PRO-Central Luzon.

Sa command conference kanila (PDs/CDs) ini-report ang peace and order situation sa kanilang AOR (area of responsibility).

Dahil nalalapit na rin ang election, ini-report din nila ang area of concerned sa kanilang AOR.

Maging ang mga staff officer, nag-briefing din kay Coronel.

Isang “policy” na kapag may bagong upong PRO-Central Luzon director, ginagawa kaagad ang command conference. Ito’y upang malaman ng bagong director ang “situation” sa rehiyon.

Matatadaan kabilang sa short list si Coronel na maaaring next PRO-3 RD at kahapon natuloy na rin ang kanyang assumption of office.

Napag-alaman na si Coronel ay dating miyembro ng Philippine Military Academy (PMA) class ’86.

Congrats, Sir. Welcome sa Central Luzon.