TRESE ka mga balay ang naabo dihang miulbo ang sunog Purok 14, Barangay Poblacion, lungsod sa Initao, Misamis Oriental.

Natigayon kini alas 9 sa buntag, niadtong Dominggo, Agustoo 11, kung diin moabot sa 13 ka balay ang apektado sa nasangpit nga insidente.

Mikabat sa 21 ka pamilya kon 75 ka indibidwal ang nawad-an sa ilang puloy-anan ug kabtangan nga karon nagpasilong Initao multi-purpose hall.

Sa inisyal nga imbestigasyon sa Bureau of Fire Protection sa lungsod, giingong nagsugod ang kalayo sa balay sa usa ka Eddie Katipunan kinsa panimalay gama sa uga nga materyales hinungdan miulbo ug miabot sa kasikbit nga panimalay.

Ang buhatan sa Provincial Social Welfare and Development Office gitahasan na nga magpaabot og inisyal nga tabang sa mga nasunogan.

Sa iyang bahin, si Governor Bambi Emano nanawagan sa katawhan nga magbinantayon gyod kanunay aron malikayan ang sunog.