PATAY dihadiha dayon ang usa ka 16 anyos human sa bangga niadtong niaging adlaw sa Brgy. Maria Cristina, Baloi, Lanao del Norte.

Patay ang driver sa tricycle nga giilang si Shane Mabilin, 16, residente sa susamang dapit.

Kaengkwentro niini ang usa ka Kia Bongo nga gimaneno ni Sowaib Mala, 41, minyo, residente sa Saguiran, Lanao del Sur, walay lisensya.

Miangol sab ang insidente sa mga sakay sa tricycle nga mao sila si Anselma Canete, 39; Jayson Angcap 23, Rubyjean Pacquiao, 17; ug Jaquino Ohay, 22.

Sa imbestigasyon nasuta nga niagi sa dalan sa Brgy Nangka paingon sa Brgy Maria Cristina ang Bonggo apan kalit mi-ekis kining sakyanan hinungdan naigo ang tricyle ug didto milagpot sa kilid nga bahin sa kalsada.

Sa kusog nga impak nagrabehan ug maayo ang tricycle driver nga maoy hinungdan sa kamatayon niini.

Si Mabilin gidala Capin Funeral Holmes, Iligan City ug ang samdan nga mga pasahero gidala sa Mercy Community Hospital, Iligan City.

Ang driver sa Bongo misuway og sibat ang nasikop ug gidala sab sa Amai Pakpak Medical Center sa Marawi City kinsa gitakdang mag-atubang og patong patong nga kaso.

Abiso sa kapulisan nga kung mobiyahe modala sa mga dokumento ug magmaneho nga kalmado aron di makadisgrasya sa katawhan.