NASIKOP ang duha ka mga datu human nga niikyas sa checkpoint mga 7:20 lunes sa gabie, Marso 25, sa Zone 5, Highway sa Barangay Cugman, dakbayan sa Cagayan de Oro.

Ang maong mga suspetsado naila nga sila si Arnel Cataquis “Datu Tindogan” ug Quintine Sebuco “Datu Langoyan” kinsa pulos residente sa Sambangan, Manolo Fortich, Bukidnon ug giingong suspek usab sa pagpamusil nga natigayon sa dapit niadtong nilabay nga bulan sa Enero ning tuig.

Sa nahipos nga impormasiyon gikan sa Police Station (PS) 10 sa Cugman ubos ni Police Senior Inspector Allan Cairel gisundan sa kapulisan ang mga suspetsado.

Gi-angkon usab ni Cataquis nga gipanag-iyahan niini ang maong .45 nga armas gumikan usa kini ka kanhi Citizen Armed Force Geographical Unit apan wala matud kini dautang tuyo sa dakbayan.

Nakuha gikan sa suspek nga si Cataquis ang kalibre .45 ug mga buhing bala samtang nakuhaan usab og 357 nga armas si Sebuco.

Ang maong mga suspetsado ang anaa na sa buhatan sa kapulisan ilabi na sa mini-cell sa PS10 sa Cugman aron sa pag-atubang sa gitakdang kaso nga ipasaka batok niini.