PADAYON ang panawagan sa Commission on Election (Comelec) sa Northern Mindanao sa katawhan nga magparehistro.

Matud ni Atty. Renato Magbutay, Comelec Northern Mindanao director, nga gikan niadtong Hulyo 2, mga tulo na ka semana gikan gisugdan ang registration sa mga botante, mokabat sa 20,000 na ang natalang nagparehistro sa tibuok Northern Mindanao.

Gibutyag niini nga naggikan sa Cagayan de Oro ug Misamis Oriental ang daghan botante nga nagparehistro sukwahi sa lalawigan sa Camiguin nga maoy labing gamay nga mirehistro.

Tungod niini padayon sa pagpanawagan si Magbutay nga kung adunay bakante nga panahon magparehistro gyod dayon ngadto sa buhatan sa Comelec ug dili na magpaabot pa nga maabtan sa Septiyembre 29 diin mao ang katapusang adlaw sa rehistro. (SVB)