MI-REPORT ang City Health Office sa Cagayan de Oro og 31 ka mga bag-ong kaso sa coronavirus disease (Covid-19) sa dakbayan.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 3,393.

Sumala ni Acting City Health Officer Dr. Lorraine Nery, sa 31 ka mga bag-ong lokal nga kaso, siyam ang mga local cases with link ug 22 ang mga local index nga mga kaso.

Matud ni Retuya, ang 22 ka mga local index cases mga empleyado sa usa ka Manila-based contruction company.

Sa 3,393 nga kinatibuk-ang kaso sa Covid-19 sa syudad, 421 ang mga returning overseas Filipino workers/locally stranded individuals (ROFs/LSIs) ug 2,972 ang mga local transmissions.

Matud ni Nery, sa 2,972 nga mga local nga kaso, 185 ang mga persons deprived of liberty, 1,508 ang mga local index cases, ug 1,279 ang mga local cases with link.

Ang Cagayan de Oro naay 249 ka mga active cases, 80 niini na-admit sa Northern Mindanao Medical Center ug uban pang mga ospital sa syudad, 166 ang mga outpatients, ug tulo ang mga ROFs/LSIs.

Nakatala usab og 14 ka mga Covid-positive nga mga kaso nga karon naka-recover. Anaa na karon sa 2,969 ang ihap sa mga nakarekober nga mga kaso sa dakbayan.

Sa maong numero, 300 ang mga LSIs, 117 ang mga ROFs, ug 2,552 ang mga lokal nga kaso (community: 2,154; Apors: 398).

Ang ihap sa mga namatay sa Covid-19 sa syudad naa na sa 175.