DAKO ang pagtou sa 4th Infantry Division (4ID) sa Philippine Army nga niining sunod-sunod nga pag pangsurrender sa walhong grupo sa New People’s Army (NPA) nagkahinay ilang pwersa.

Gibutyag ni Capt. Reggie Go, tigpamaba sa 4ID nga sugod sa bulan sa Enero aduna nay 352 ka mga NPA lakip Militia ng Bayan ang misurender sa ilang ginsakupan.

Matud ni Go nga posibleng nagkahinay na hinungdan nga ilang gi monitor sa pagkakaron ang posibleng paspas nga recruitment sa NPA gumikan kay ilang bout mahulipan ang mga nawala kanila.

Daw ilang gibuhat karon ang pagsulod sa mga komunidad aron pagpasabot sa mga sibilyan ug katawhan sa mga tinuod nga plano ug mga pasalig sa walhong grupo.

“Daghan man gud na sila og mga pasalig mao ang uban sibilyan kay pobre lagi galisod mosulod nalang pod kay naa man silay mga pasalig,” matud ni Go.

Gikataw-an sab niini ang pasangil sa NPA nga ang mga nanurender dili tinoud nga sakop sa NPA.

“Samot nga magkahinay ang ilang pwersa kon mutug-an sila,” matud ni Go ug miingon nga dili sila basta-basta motoo deretso sa mga misurender tungod kay moagi pa kini sa masusi nga validation.

Gawas niini ang mga kanhi nanurender sab maoy mokumpirmar niini nga sila positibo nga sakop sa NPA nga bout mobalik sa sabakan sa gobyerno. (SVB)