PALAPDAN pa sa Globe ang ilang serbisyo ngadto sa katawhan sa Gingoog City.

Kini ang gikumpirmar ni Fernell Feliciano, kinsa Misamis Oriental-Cagayan de Oro-Camiguin Area sales head sa Globe.

Matud ni Feliciano nga bag-o lang nila gibuksan ang cell sites sa Barangay Bal-asoh aron maserbisyuhan ang dapit.

Samtang ila sab gisusi ang area sa Barangay Cevoleg kung diin pagatukoron sab ang cell sites sa agricultural land nga gioanag iyahan sa local nga kagamganan sa Gingoog.

Ang Cevoleg gitakdang himoung farm tourism ug pagwapuhon ang Cevoleg falls niini ug ang pagbutang og cell sites makatabang og dako sa mga turista nga mobisita sa dapit.

Samtang gitakda usab silang motukod og tulo ka cell sites sa sentrong bahin.

"Diri sa sentro, naa pa mi gapangitaon nga tulo ka cell sites nga mataod diri dili lang para coverage para sa capacity nga maserbisyuhan ang mga tao sa tibouk siyudad," matud ni Feliciano, kinsa midugang nga nakamatikod siya nga labihan ka aktibo ug participative diha sa social media ang mga Gingoognon.