PITO ka mga indibidwal ang napasakaan og kaso gumikan sa anomaliya sa pag-apud-apod sa Social Amelioration Program (SAP) cash assistance sa Northern Mindanao.

Kini mao ang duha nga naggikan sa Misamis Oriental labi na sa Barangay Cogon, Balingasag ug sa Ampenican, Salay; Barangay Tibanga, Iligan City; Lapinig, Kapatagan, Lanao del Norte; Mabunga,Baungon, Bukidnon; Bañadero, Ozamis City, Misamis Occidental ug Barangay Bulua Cagayan de Oro City.

Gibutyag ni Department of Interior and Local Government Regional Director Arnel Agabe nga napasakaan na og kaso sa Criminal Investigation and Detection Group (CIDG) ang pito gumikan sa anomaliya sa SAP.

“Naa nay pito ka mga barangay officials na file-lan og kaso sa atoang mga kauban sa Philippine National Police mahitungod sa nagkalain-lain nga mga complaints alleged irregularities in the distribution of the Social Amelioration Package financial assistance,” matud ni Agabe.

Gidugang pa nga ang sa Cagayan de Oro City usa ka zone president ang gireklamo ug hingpit na nga napasakaan og kaso.

“As far sa Cagayan de Oro City kini siya usa ka zone president mao ang gi file-lan og complaint, gi file-lan og kaso sa PNP-CIDG,” dugang ni Agabe.