MITAAS ang ihap sa mga aktibo nga mga kaso sa coronavirus disease 2019 (Covid-19) sa dakbayan sa Cagayan de Oro.

Anaa na sa 449 ang akitbo nga mga kaso ug 80 ang mga natala nga mga bag-ong kaso sa dakbayan, tulo niini mga returning overseas Filipino (ROFs) ug 77 ang mga local transmissions.

Matud ni City Health Office medical officer Dr. Ted Yu, sa 77 ka mga local nga mga kaso, 50 ang mga local index nga kaso, 14 ang mga local cases with link, 12 ang mga Apors, ug usa ang Apor with link.

Miabot sa 20,907 ang kinatibuk-ang ihap sa mga kaso sa Covid-19 sa dakbayan.

Ang Cagayan de Oro adunay 449 active cases, 103 niini na-admit sa Northern Mindanao Medical Center ug uban pang mga ospital sa syudad, 326 ang mga outpatient, ug 20 ang mga ROF/LSI.

Nakatala usab og tulo ka mga coronavirus-positive nga kaso nga karon naka-recover human nagnegatibo ang resulta sa ilang repeat swab test.

Anaa na karon sa 19,605 ang ihap sa mga nakarekober nga mga kaso sa dakbayan.

Ang ihap sa mga namatay sa Covid-19 sa syudad naa sa 853.