MIUBOS ang ihap sa mga aktibo nga mga kaso sa coronavirus disease (Covid-19) sa dakbayan sa Cagayan de Oro.

Anaa na sa lima ang aktibo nga mga kaso ug usa ra ang natala nga bag-ong kaso sa dakbayan, usa ka lokal index nga kaso. Kini usa ka unvaccinated nga siyam ka anyos nga lalaki gikan sa Barangay Camaman-an.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 25,841.

Ang Cagayan de Oro adunay lima ka aktibo nga mga kaso, tulo niini na-admit sa Northern Mindanao Medical Center ug uban pang mga ospital sa syudad ug duha ang mga outpatient.

Anaa na karon sa 24,896 ang ihap sa mga nakarekober nga mga kaso sa dakbayan.

Ang ihap sa mga namatay sa Covid-19 sa syudad nagpabilin nga anaa na sa 940.