NAPUNGOT ug nabalaka ang usa ka babaye human gihilamhilam samtang sakay sa dyip niadtong Oktubre 14 diha sa Barangay Pagatpat sa siyudad sa Cagayan de Oro.

Gireklamo ni April, 18, dunay kaipon ug residente sa Barangay Canitoan, ang nailang si Potsolo, minyo ug residente sa susamang Barangay.

Sa impormasiyon nga nahipos gikan sa kapulisan sa Police Station 7 sa Bulua, gibutyag ni April nga samtang nagsakay sa front seat sa gimanihong dyip sa iyang kaipon, gibastos kini sa maong lalaki.

Giingong gihilam ni Potsolo ang iyang hita sa ikaduhang higayon ug nagsandig pa kaniya.

Ang maong insidente nakatala na sa buhatan sa kapulisan ug giduso na sa Barangay Lupon.