NABALAKA ang usa ka bana sa dihang gigukod kini og kutsilyo sa iyang asawa human nga wala na kini magkasinabot niadtong Enero 15, sa Balulang, dakbayan sa Cagayan de Oro.

Ang biktima naila nga si Edgardo (bansagon gitago), 48, ug residente dinhi sa dakbayan.

Sa nahipos nga impormasyon gikan sa kapulisan sa Police Station 4 (PS4) sa Carmen, giingong igo na lamang nga nagpakitabang sa kapulisan ang biktima sa dihang gigukod og kutsilyo sa iyang kaugalingong asawa.

Gidugang pa niini nga niuban sa laing lalaki o bag-ong hinigugma ang iyang asawa ug gibiyaan kini lakip ang ilang upat ka mga anak.

Apan imbes siya maoy nasakit sa gihimo sa asawa kini pa ug iyang bag-ong uyab maoy nasuko.

Ang insidente nakatala na sa buhatan sa kapulisan ug giduso na sa Barangay Lupon alang sa tukmang disposasiyon.