PATAY ang usa ka bana human giposposan og pala atubangan sa asawa niadtong Disyembre 25, 2019 mga alas 8:45 sa buntag sa Barangay Bangco, Matungao, Lanao del Norte.

Giila ang biktima nga mao si Paidin O. Ampa, mag-uuma ug residente sa susamang dapit.

Sa inisyal nga imbestigasyon sa Matungao Police Station nasuta nga sakay kining biktima sa motorsiklo kuyog ang asawa niini.

Apan pagdangat sa dapit nga nahitaboan kalit nga mitabo ang wala mailang suspetsado ug walay duha-duha nga gibunalan ang biktima og pala hinungdan sa ilang pagkaligid sa motorsiklo uban sa asawa.

Wala pa makuntento ang suspek gipusil kini sa iyang dughan hinungdan sa iyang hinanaling kamatayon.

Padayon pa nga giila ang identipikasyon sa suspetsado karong panahona.

Sa dugang imbestigasyon gitouhang rido o away sa pamilya hinungdan sa pagpamusil patay.

Ang kaso giimbestigahan na sa kapolisan karong panahona.