GIBUTYAG sa National Food Authority (NFA) nga human nila nasayran nga aduna na'y importasiyon sa bugas, ilang gidugangan ang bugas nga ilang gihatag sa mga retailers aron nga mapugngan ang pagsaka sa commercial rice ilabi na sa merkado sa Cogon, dakbayan sa Cagayan de Oro.

Matud ni Hazel Belacho, tigpamaba sa NFA nga ilang gipun-am ang ilang mga gipanghatag nga bugas sa mga retailers tungod usab kay dili na paigo ang 600 ka sako sa bugas sa matag semana sa Cogon ug lahi usab ang sa ubang mga retailers.

"From 300 bags to 600 bags per week nahimo na siyang 1500 bags, mao na among way sa pag pa-stabilize sa presyo, at least ma pull down or dili bitaw kaayo mosaka pag-ayo ang commercial rice," pahayag ni Belacho.

Nasayran nga gitugotan lamang ang katawhan nga makapalit og lima ka kilo sa bugas matag adlaw.