WALA'Y natalang bag-ong kumpirmadong kaso sa coronavirus disease (Covid-19) ang Cagayan de Oro apan naay mga bag-ong naulian nga mga nagpositibong pasyente sa Covid-19,

Sa pagkakaron, ang kinatibuk-ang ihap sa mga Covid-19 sa Cagayan de Oro anaa pa gihapon sa 3,680.

Sa 3,680 nga kinatibuk-ang kaso sa Covid-19 sa syudad, 422 ang mga returning overseas Filipino workers/locally stranded individuals (ROFs/LSIs) ug 3,258 ang mga local transmissions.

Miubos usab ang mga active cases sa dakbayan gikan 394 karon anaa na sa 373. Sa maong numero, 58 niini na-admit sa Northern Mindanao Medical Center ug uban pang mga ospital sa syudad, 314 ang mga outpatients, ug usa ang ROF/LSI.

Nakatala usab og 21 ka mga Covid-positive nga mga kaso nga karon naka-recover. Anaa na karon sa 3,131 ang ihap sa mga nakarekober nga mga kaso sa dakbayan.

Sa maong numero, 301 ang mga LSIs, 119 ang mga ROFs, ug 2,711 ang mga lokal nga kaso (community: 2,285; Apors: 426).

Ang ihap sa mga namatay sa Covid-19 sa syudad naa sa 176.