KINAHANGLAN nga adunay consent card ang mga menor de edad nga mosulod sa mga internet café nga pinirmahan sa mga magtutudlo o sa ginikanan.

Tipik sa ordinansa ang pagdili sa mga menor de edad sa pagdula sa mga internet shop ilabi na sa mga oras sa ting kalse apan pwedi sila nga maka-research o magdula kung adunay consent card.

Nasayran nga ginadili ang mga menor de edad sa pagsulod sa internet shop gikan alas 7:00 sa buntag hangtod sa alas 7:00 sa gabii kung tingklase.

“Ang teachers or ang parents kay atong consent card naa pud didto ang date and time kung pila ra siya ka oras unsay purpose,” pahayag ni Antonio Ramon Resma Jr.

Kung alang sa pag research, ang maestra o ang principal ang mopirma sa consent card ug kung magdula ang ginikanan ang angayang mopirma. (KCS)