UNOM ka mga locally stranded individuals (LSIs) nga nagpositibo sa coronavirus disease (Covid-19) nga gi-tag karon nga recovered human ang resulta sa ilang repeat swab tests migawas nga negatibo Agosto 4.

Ang kinatibuk-ang ihap sa mga recovered patients nga nagpositibo sa Covid-19 sa Cagayan de Oro anaa na sa 100.

Ang mga naka-recover nga pasyente mao ang:

* Usa ka 15 anyos nga babaye nga LSI gikan sa Taguig City ug residente sa Barangay Kauswagan;

* Usa ka 27 anyos nga lalaki nga si LSI gikan sa Taguig ug residente sa Barangay Bugo;

* Usa ka 45 anyos nga lalaki nga LSI gikan sa Parañaque City ug residente sa usa ka gated community sa Barangay Carmen;

* Usa ka 37 anyos nga babaye nga LSI gikan sa Manila ug residente sa Barangay Macabalan;

* Usa ka 48 anyos nga lalake nga LSI gikan sa Manila ug residente sa Barangay Indahag; ug

* Usa ka 31 anyos nga babaye nga LSI gikan sa Marikina City ug residente sa Barangay Gusa.

Samtang si Mayor Oscar Moreno miingon nga ang Cagayan de Oro nakatala og 13.79 percent nga critical care utilization rate (CCUR) ug 15.86 percent nga case doubling time sa bag-o nga taho sa Feasibility Analysis of Syndromic Surveillance using Spatio-Temporal Epidemiological Modeler (Fassster) Philippines.

Ang critical level o threshold sa CCUR 30 percent samtang ang case doubling time seven percent, kini nagpasabot nga ang ubos nga CCUR ug taas nga kaso sa case doubling time nag-ingon nga ang kahimtang sa dakbayan sa panahon sa pandemya naa sa maayong kahimtang.

Ang Fassster Philippines usa ka evidence-based, web-based nga nagbanabana sa mga posible nga mga kaso ug senaryo sa pagkaylap sa Covid-19 sa nasod.