NAG-AGHAT ang Department of Science and Technology (DOST) sa pagkuha og eksaminasiyon aron mamahimong iskolar sa ilang buhatan karong umaabot nga pagtungha sa Academic Year (AY) 2019-20.

Gibutyag ni DOST-Northern Mindanao Director Alfonso Alamban nga aduna’y P40 mil matag tuig ang mamahimong iskolar gawas sa mga laing pribiliheyo sa mga pribadong tunghaan. Gidugang pa nga kinahanglan nga mo serbisyo ang usa ka iskolar base na usab sa tuig sa pagtungha niini kung makatapos na sa pag-eskwela.

“Equivalent to the number of study, so kung 4 year course for year pud ka mag-serve, by the time they signed contract with us we provide at the Bureau of immigration the names of the scholars,” pahayag ni Alamban.

Kung dili usab makahulat sa tuig nga angayang serbisyohan ug buot na nga motrabaho sa gawas kinahanglan lamang nga bayaran ang balance sa tuig nga wala na serbisyohan ayha pa hatagan og clearance.

Mapasalamaton usab si Rexaniel Saburnido, kinsa kanhi iskolar sa DOST, sa suporta gikan sa pagtungha hangtod na nga sa pagsugod sa kaugalingong negosyo diin karon usa na ka malampusong negosyante sa edad pa lamang nga 29 anyos.

Ang iskolar adunay pribiliheyo sama sa P20 mil kada semester, monthly living allowance nga P7 mil, Transportation expense(round trip fare) matag tuig, book allowance nga P5mil matag tuig, clothing allowance nga usa ka libo.

Ang deadline sa filing karong umaabot nga Agusto 31, 2018 alang sa DOST-SEI S & T undergraduate scholarship examination karong Oktubre 21, 2018.