POSIBLENG tungod sa naghinubrang kainit ug hulaw nga nasinati nga maoy hinungdan nga ang grass fire maoy usa sa pinakadaghang natala sa sunog dinhi sa Northern Mindanao.

Kini ang gibutyag ni Atty. Noli dela Rita, kinsa tigpamaba sa Bureau of Fire Protection (BFP) Northern Mindanao, apan kon itandi sa miaging tuig mas niubos ang ihap sa mga natalang sunog karong panahona.

Sugod sa bulan sa Enero hangtod niadtong katapusang adlaw sa bulan sa marso dungan sa kasaulogan sa Fire Prevention Month adunay 200 ka mga fire calls nga natala.

Sa maong gidaghanon moabot ngadto sa 82 ka mga grass fire ang natigayon sa nagkalain-laing dapit.

Mokabat sab sa 71 ka mga sunod natigayon nga mga kabalayan ug establisments samtang aduna sab vehicular fire.

Gibutyag ni Dela Rita nga dako og tabang ang ilang pagpahigayon og mga information drive aron malikayan ang sunog sa tagsa-tagsa ka mga kabalayan.

Pabilin nga nanawagan ang BFP-Northern Mindanao nga magbinantayon gyod kanunay tungod kay sagad sa gakatigayon nga sunog kining mga gakapasagdan.