LIMA ka mga senador ang personal nga mihatod og programa sa gobyerno sa Marawi City pinaagi sa paglusad sa ika 64 nga Malasakit Center sa nasud sa Pilipinas.

Sila si Senator Bong Go, Imee Marcos, Juan Miguel Zubiri, Bato dela Rosa, ug Francis Tolentino maoy nanguna sa pagbukas sa Malasakit Center sa Amai Pakpak Medical Center.

Dungan niini ang pagtunol og tseke nga balor P5 milyones ug kini binulan aron mausa na ang tanan nga doulan sa katawhan panahon sila magbilling sa balay tambalanan.

Paagi kini ni Go nga dili na magsige og tabok tabok ang mga katawhan nga magkinahanglan sa tabang kay magsilbing kining one stop shop.

Anaa na niining Malasakit Center ang mga buhatan sa Philhealth, Department of Social Welfare and Development, Philippine Charity Sweepstakes Office ug uban pa.

"Huwag na nating pahirapan ang ating mga kababayan para humingi po ng pagpapagamot lalo na sa panahong litong lito sila kung saan sila hihingi ng tulong," matud ni Go.

Gipasabot sab niini nga ang P5 milyon matag bulan gikan sa kagamhanan ni Presidente Rodrigo Duterte kini ihatag nga budget alang sa Malasakit Center kung diin mga pasyente gilauman niini nga makagawas sa balay tambalanan nga walay bisan piso nga mabayran.