DEAD on arrival nga gideklarar sa doktor ang kanhi barangay kapitan human nabangga mga alas 1:15 sa hapon adlawng Huwebes, Oktubre 17, sa Barangay Sta. Cruz, lungsod sa Tagoloan Misamis Oriental.

Giila ang biktima nga mao si Ferdinand C. Agravante, hingkod ang edad, lumad nga taga Poblacion 2, lungsod sa Initao, Misamis Oriental.

Samaran sab ang kabangga niini nga giilang si Raffy G. Natividad, taga Sta. Cruz, lungsod sa Tagoloan.

Sa imbestigasyon sa Tagoloan Police Station nasuta nga gikan sa Villanueva si Agravante ug pauli sab si Natividad.

Apan, pagdangat sa dapit miliko si Natividad sa pikas lane apan nagsapon sa nagdagan nga motorsiklo hinungdan sa grabeng bangga.

Pulos samaran ang duha ka biktima ug gipangdala sa balay tambalanan sa dapit.

Apan, dead on arrival nga gideklarar sa doktor si Agravante human sa grabeng bun-og nga naangkon.