GIDEKLARAR sa Police Regional Office-Northern Mindanao ang hugot nga pag-alerto human sa pagpamomba nga natigayon sa Indanan, Sulu nga ningkalas og tulo ka kinabuhi.

Gimando ni PRO Director Rafael Santiago Jr. ang hugot nga seguridad ug hugot nga pagpatuman sa kapolisan.

"We are implementing strict security protocols not only on police checkpoints but on our regional borders to ensure the safety of the public in relation to the Sulu attack," matud ni Santiago.

Dugang niini nga gimandoan niini ang mga station commander nga magpahigayon og checkpoints sa nagkadaiyang dapit ug presensya sa pampublikong lugar.

"I have also directed our commanders on the ground to undertake target hardening measures, beef up police presence on the streets and conduct security measures to preempt attacks on vital installations and places of convergence," dugang ni Santiago.

Ang Cagayan de Oro City Police Office sa pagpatunan sa maong direktiba ang milusad og nagkadaiyang police operation nga miresulta sa pagkasikop sa 52 ka mga wanted criminal, mga nalambigit sa druga ug uban kasupakan.

Sa maong gidaghanon, moabot ngadto sa 21 ka nalambigit sa ilegal nga druga, pito ang nalambigit sa ilegal nga sugal, 10 ka wanted person nga adunay warrant of arrest ug 14 niini ang mga minor offender.

"This operation is not only focused on criminality. We have also stepped up this campaign to prevent terror threats," kini sab ang pahayag ni Cagayan de Oro Police office Police Lieutenant Colonel Reynante Reyes.