GI-KLARO sa City Director sa Cagayan de Oro City Police Office (Cocpo) nga ginadili kanila ang mag-escort ang kapulisan sa pulitiko tungod kay election period na gawas lamang kung duna’y panugot.

Sa pakighinabi sa SunStar SuperBalita ngadto kay city director Police Senior Superintendent Nelson Aganon, gibutyag niini nga sa wala pa ang eleksiyon gitugotan man ang mga pulitiko nga mahatagan og proteksiyon gikan sa kapulisan apan sa pagsugod sa eleksiyon maundang kini.

“According sa batas natin kung hindi pa election period ino-authorized naman na mabigyan ng security ang congressman o mayor kasi depende rin sa threat prerogative yan ng commander with the start ng election period all securities will be recalled, terminated ang kanilang detail,” matud ni Aganon.

Gidugang niini nga ang mga pulitiko o nagpapili kinahanglan nga mag-apply sa aron nga mahatagan og proteksiyon.

“Pero yung concerned politicians, mag-aapply sila ng request para sa security at ganun din sa pagdala ng firearms lahat yan dinadaan sa proseso.” Dugang niini ug miingon nga dili pwde nga basta balewalaon labina kon dunay nahitabo kay sila sab manubag niini.

Samtang gibutyag ni Atty. Ramil Acol, City Comelec officer nga kinahanglan nga mag-apply sa nasudnong buhatan aron nga makakuha og guwardiya kung ugaling duna’y mga hulga nga nadawatan.