GIMANDO ni Misamis Oriental Governor Bambi Emano ang general community quarantine human ang nasud sa Pilipinas ubos na sa state of calamity ug state of public health emergency ug Code Red Sub-Level 2 gumikan sa coronavirus disease (Covid-19) ug matag adlaw adunay pagsaka sa ihap sa nataptan.

Gisiguro niini ang kaluwasan sa panglawas sa tanang molupyo sa lalawigan.

Ang World Health Organization mideklarar na sa Covid-19 nga pandemic.

ANG patient PH40 nga gi-confined sa Northern Mindanao Medical Center (NMMC) nga makita sa dakbayan sa Cagayan de Oro ang gitransport gikan Iligan City ug miagi sa kalungsoran sa Misamis Oriental ang namatay niadtong Marso 13.

Hinungdan gimando sa gobernador nga ang tanang tawo nga mosulod sa probinsya sa Misamis Oriental kung asa nagikan ug nagbiyahe ang gidid-an sa pagsulod sa lalawigan gawas lamang kung nagdala og suplay sa pagkaon ug uban basic commodities, fuel, medisina, medical suplay, animal food, medical equipment, ug construction supplies.

Ang driver ug helper nga nagdeliver gidili sa pagnaog ug human sa pagdiskarga sa suplay ang kinahanglan deretsong mobalik sa ilang lugar.

Alang sa mga food deliveries, kinahanglan nga adunay sertipikasyon gikan sa barangay o munisipyo nga segurado ang tanan prudokto nga gikan sa probinsya ug Pass gikan sa Department of Agriculture alang sa mga traders aron sayon ang ilang delivery.

Pasudlon ang mga medical practitioner ug mga trabahante sa probinsya nga kinahanglan lamang magpakita og proof pagpamatoud nga sila trabahante sa health facility sa lalawigan.

Pasudlon sab ang mga lehitimo nga mga trabahante sa nagkadaiyang departamento, bureau office, ahensya, lakip ang local government units ug government-owned and controlled corporation.

Niadtong sa pribado nga kompanya kinahanglan limitado lamang sa mga trabahante niadtong mga establismento nga gahatag og nag unang panginahanglan sa katawhan sama sa merkado, grocery, convenience store, parmasya, hospitals, medical clinics, food preparation and delivery services, banko, money transfers services, power energy, water refilling stations, manufacturing and processing plants of food, beverages, medicine and hygiene products, telecommunication supplies ug funeral services ang kinahanglan bukas.

Ang mga national government officials ug empleyado, miyembro sa Philippine National Police, Armed Forces of the Philippines, Bureau of Fire Protection, medical practitioners ug force multipliers sama sa barangay tanod, PDRRMO, CDRMMO, MDRRMO, ug BDRRMO ug personahe nga nadeploy sa Misamis Oriental pagbatok sa Covid-19.

Niadtong mga namalik nga medical practitioners nga nagdala og pasyente gawas sa probinsya ug kung nagikan sa lugar nga adunay infection sa Covid-19 ang kinahanglan magpaubos og 14 ka adlaw nga kwarantinas.

Ipasabot sab sa chief of hospital nga walay treatment sa nga available sa lalawigan ug kinahanglan kini og referral letter ngadto sa destinasyon sa ospital niini.

Tanan nga pasahero sa mga publiko ug pribado nga mga sakyanan sakay ang residente o trabahante gawas sa lalawigan nga mamauli sa probinsya kinahanglan mopresentar og balido nga identification card o ID ug proof of employment.

Kung dili malikayan nga kaso kalabot sa panglawas, seguridad, komersyo ang kinahanglan nga mangayo og panugot gikan sa Provincial Health Officer apan kinahanglan magpaubos og medical protocols.

Ang mga pasahero sa usa ka sakyanan ang kinahanglan moagi sa quarantine station sa lungsod sa Lugait ug lungsod sa Magsaysay ug ipaubos sa foot bath ug thermal scanners.

Kung iyang body temperature moabot sa 37.7 degree celsius, i hold kini ug ipabalik sa iyang lugar nga gigikanan.