Balita

Lalaki nahulogan og mga puthaw, patay

Kris C. Sialana

NAHULOGAN sa mga scrap metal ang drayber sa motorsiklo human nawad-an og brake ang sakyanan nga nagkarga niini niadtong Disyembre sa Sitio Cabula, Barangay Lumbia, ning siyudad sa Cagayan de Oro.

Patay si Julito Lopez, 53, minyo, taga Maasin, Baungon, Bukidnon nga nagmaneho sa Yamaha Mio nga nakarehistro kang Levi Lopez, samtang ang drayber sa Isuzu Forward Truck nailang si Luis Caligid, 47, minyo, taga Purok-10, Baloy, Tablon, ning siyudad sa Cagayan de Oro.

Sa nahipos nga impormasiyon gikan sa Police Station 8 (PS8) Lumbia, gikabutyag nga gikan sa sentrong bahin sa siyudad ang forward truck nga kargado og scrap nga mga puthaw.

Apan pag-abot sa kurbadang bahin sa dapit, nawad-an og brake ang sakyanan tungod sa gituohang kabug-at sa karga niini ug nakatumba paingon sa dalan sa motorsiklo.

Dali usab nga gidala sa ospital sila si Caligid kauban ang hulip niini nga drayber nga si Rodolfo Limocon, 30, taga Cronin, Camaman-an, ning siyudad, human samdan usab atol sa panghitabo.

Ang patay nga lawas sa biktima ang giatiman na sa nahabiling pamilya.

Nagpahinumdom usab ang mga kapulisan nga mag-amping ug siguraduhong luwas ug sutaon una ang mga sakyanan sa dili pa mobiyahe.

CEBU. Cebu City Mayor Mike Rama.

Rama: Let LGUs set up own water district

Deforestation in Cebu City ‘continues’

Pagasa: It will be a hot CVIRAA week

Over 4K megawatts to boost power supply in 2024

Study shows 'degrading state' of marine life in PH’s Sandy Cay