PATAY ang bana samtang nakadagan ang asawa human gipamusil sa wala mailang suspetsado niadtong adlawng Martes, Disyembre 10, mga alas 10:45 sa buntag sa P-17 Sunny Day, Butong, Quezon, Bukidnon.

Sa inisyal nga imbestigasyon sa Quezon Police Station nga samtang nagkalot og yuta ang bana miduol ang usa ka lalaki ug kalit namusil niini sa ulo hinungdan dead on the spot.

Ang asawa dihang nakita sa suspek gilakip og pusil maayo na lamang nakadagan.

Suspek gihulagway nga nagsul-ob og kolor black ball cap, red jacket, black t-shirt ug camouflage pants ug anaa sa 20 ngadto 30 ang pangidaron.

Matud sa asawa nga kung makita og usab ang suspek iya kining matudlo kay pamilyar sab kaayo ang hitsura niini.

Padayon pa nga gipangita sa kapolisan ang suspetsado karon panahona.