GIKUMPIRMAR ni Mindanao International Container Terminal o MICT collector John Simon nga wala nay makapugong nga mahibalik sa South Korea ang mga basura nga niabot dinhi sa Tagoloan niadtong Hulyo 2018.

Matud ni Simon nga ang barko nahidangat niadtong adlawng Sabado nga nag-agi sa Mindoro ug Palawan paingon sa MICT sa lungsod sa Tagoloan aron ipangload ang 52 ka toneladang mga basura.

Usa ka pormal nga seremonya ang gihimo niadtong adlawng Domingo sulod sa MICT nga mao ang pag load sa katapusang contianer van aron mapadala kini og balik sa nasod sa Korea.

“Para makita natin lahat makita ng boung Northern Mindanao at ng boung bansa at ng boung mundo na tayoy maninidigan na di tayo papayag na papasok ang ganitong klaseng kargamento ayaw natin ng basura, ipapatapon natin ipupukol natin pabalik sa kanilang bansa,” matud ni Simon.

Gisaksihan ang pagpabalik sa basura sa mga personahe gikan sa local nga kagamhanan sa Tagoloan, personahe sa kapitolyo probinsyal, Sangguniang Panlalawigan, mga sakop sa media, Department of Environment and Natural Resources ug uban pang nagkadaiyang ahensya.

Mibahad si Simon nga hangtod nga magpabilin siya sa MICT bukas iyang mga mata kanunay niining mga anomalyang pagpasulod sa mga basura nga walay saktong rekisitos ug dili na siya subling makatugot pa nga malabayan og basura ang nasod labina gyod dinhi sa probinsya.

“Hanggat ako ang nakaupo dito hinding hindi na natin pahihintulutan ang makapasok ang basura diyan kahit saang bansa siya manggagaling haharangin natin sila at itatapon natin sila na pabalik doon sa lugar nila,” butyag ni Simon ug miingon nga ang mga personalidad luyo niining pag-abot sa basura ang gitakdang itaral sa hukmanan ug ila nang itugyan sa korte.